Եվրասիա համագործակցության հիմնադրամի անդրադարձը ՀԵԿԱ ՀայԿար ձեռնարկությանը:

[b][u]Կարողությունների զարգացում[/u][/b]
2009թ. աշնանը, Եվրասիա համագործակցություն հիմնադրամը, Լոդսթար հիմնադրամի հետ համատեղ կազմակերպեց Սոցիալական ձեռներեցության վերաբերյալ սեմինար գործարարների, ներդնողների և մասնավոր հիմնադրամների համար, որը վարեցին Աշոկա հիմնադրամի:, Համայնքային հիմնադրամ ցանցի և Բարեգործական ինստիտուտի փորձագետները:

Հաջորդիվ, Եվրասիա համագործակցություն հիմնադրամը Չեխիայի Հանրապետության Արտաքին գործերի նախարարության աջակցությամբ նախաձեռնեց սոցիալական ձեռներեցության մեկնարկային ծրագիր՝ ՀԿ-ների համար դասընթացների, խորհրդատվության և կոնկրետ ձեռնարկատիրական նախագծերի ֆինանսական աջակցության միջոցով։ Ծրագրի նպատակն էր Հայաստանում և Վրաստանում ստուգել սոցիալական ձեռնարկության` որպես կենսունակ բիզնես մոդելի, զարգացումն այն հասարակական կազմակերպությունների համար, որոնք ստեղծելով իրենց կից բիզնես օղակը տեղական օրենսդրության շրջանակներում, շահույթ են հետապնդում սոցիալական խնդիրներ լուծելու իրենց առաքելությունն իրականացնելու նպատակով:

Ծրագիրը սկսվեց հասարակական կազմակերպությունների աշխատանքը կարգավորող օրենսդրական դաշտի և երկրում սոցիալական ձեռներեցության վիճակի գնահատմամբ: Քառօրյա սեմինարի ընթացքում 17 հասարակական կազմակերպությունների 30 ներկայացուցիչներ հարստացրին իրենց գիտելիքները ձեռնարկատիրական մտահղացումների և (կամ) գործողությունների ընտրության, փորձարկման և պլանավորման վերաբերյալ:

[u][b]Նորաստեղծ Սոցիալական ձեռնարկություններ[/u][/b]
2010 թվականի սկզբին ԵՀՀ-ի կողմից հայտարարված դրամաշնորհային մրցույթին ներկայացված ինը ծրագրերից երեքն արժանացան փոքր դրամաշնորհների, որին հաջորդեց Վրաստանի գործընկերների հետ համատեղ ուսուցողական այցը Չեխիայի Հանրապետություն` ՀԿ-ների կողմից ձեռնարկատիրական գործունեության միջոցով ռեսուրսներ գոյացնելու լավագույն փորձն ուսումնասիրելու նպատակով:

Ձեռք բերված փորձի և դրամաշնորհային ֆինանսավորման արդյունքում, Ճամբարակի համայնքում գործող հաշմանդամ երեխաների ծնողների «Աստղացոլք» ՀԿ-ն զարգացրեց փայտագործության [url=http://www.handmadegifts.am/]սոցիալական ձեռնարկությունը[/url], որտեղ աշխատում են չորս տեղաբնակներ, այդ թվում` երկու հաշմանդամ: Փայտագործական արտադրանքի վաճառքից ստացված հասույթը տրամադրվում է ամենօրյա ցերեկային խնամքի կենտրոնին, որտեղ երեխաների մեծ մասը հաշմանդամ են կամ պատկանում են սոցիալապես անապահով խմբերին (օրինակ, փախստական կամ ծնողազուրկ երեխաներ):

Մեկ այլ նախագծի արդյունքում «Հայաստանի երիտասարդ կանանց ասոցիացիա» ՀԿ-ն հիմնել է կարուձևի արհեստանոցներ Ախթալայում և Եղեգնաձորում, որտեղ հիմնականում աշխատում են կանայք սոցիալապես խոցելի խմբերից: [b][url=http://shop.aywa.am/]Դիտե՛ք և գնե՛ք այստեղ[/url][/b]:

Սոցիալական ձեռնարկության մոդելը հաջողությամբ կիրառվել է նաև «Գորիսի երիտասարդական միություն» ՀԿ-ի կողմից: Տեղացի կանայք զբաղվում են անկողնային և մանկական սպիտակեղենի արտադրությամբ եվ արտադրանքը վաճառում են տեղի հյուրանոցներին, հիվանդանոցներին և խանութներին:

2011թ. ԵՀՀ-ն ֆինանսավորեց «Հայկական ճամբար» բարեգործական հասարակական կազմակերպության [url=http://www.armcamp.am/]սոցիալական ձեռնարկություն[/url] հիմնելու նախաձեռնությունը: Հատուկ կարիք ունեցող թվով քսան մարդ արդեն մասնակցել են կավագործության դասընթացների, որոնցից առնվազն տաս լավագույն սաները աշխատանքի կանցնեն նույն արհեստանոցում: Նախագծի սոցիալական նպատակը սպորտի խթանումն է հաշմանդամություն ունեցող մարդկանց շրջանում` զուգահեռաբար կազմակերպելով տարբեր միջոցառումներ:

[u][b]ԶԼՄ-երը ծրագրի մասին[/u][/b]
[list]
*Սոցիալական ձեռներեցությունը համայնքներում.«Անկախ» թերթ
*ԵՀՀ Սոցիալական ձեռներեցություն ծրագրի մասին հոդված «Ամերիկյան առևտրի պալատը Հայաստանում» պարբերականում: [url=http://www.amcham.am/files//files/Summer-Fall20112.pdf/]Կարդացե՛ք այստեղ[/url]:
*[url=http://vimeo.com/30789732/]Սոցիալական ձեռներեցություն: «Արարատ» ալիքի տեսանյութը:[/url]
[/list]

[url=http://www.epfound.am/armenian/myer-ashkhatank%c9%99/sotsialakan-dzyerrnyeryetsoutyoun.html/]Աղբյուրը:[/url]