2008թ. ի վեր Հայաստանի երիտասարդ կանանց ասոցիացիան իրականացնում է ծրագիր՝ ուղղված Հայաստանում սոցիալական ձեռնակատիրության զարգացմանը։

Այդ ծրագրի շրջանակներում ՀԵԿԱ-ն հիմնադրել է «ՀայԿար» կարի արտադրամասեր, որտեղ երիտասարդ կանայք հնարավորություն ունեն ձեռք բերել նոր հմտություններ և ընդգրկված լինել քուիլթինգի արտադրության մեջ։

Այս ծրագրում մեր հովանավորներն են՝ Կանադական Գործադիր ծառայության կազմակերպությունը (CESO), Կանադական միջազգային զարգացման գործակալությունը (CIDA), Եվրասիա համագործակցության հիմնադրամը։

«ՀայԿար» քուիլթինգ արտադրամասերը գտնվում են Երևանում, Վայոց Ձորում (Եղեգնաձոր) և Լոռիում (Ախթալա)։

Մեր արտադրանքները կարելի է ձեռքբերել Երիտասարդ կանանց աջակցության կենտրոններից, հատուկ նշանակությամբ կազմակերպված բարեգործական տոնավաճառներից և կամ էլ այցելելով մեր կայք։


Հայաստանի երիտասարդ կանանց ասոցիացիան (ՀԵԿԱ) հասարակական կազմակերպություն է: ՀԵԿԱ-ի նպատակն է` խթանել ՀՀ-ում երիտասարդ կնոջ դերի բարձրացմանը հասարակական, քաղաքական, տնտեսական, կրթական, մշակութային և այլ ոլորտներում:

Մենք հիմնադրվել ենք 2004 թí³Ï³ÝÇÝ` 13-ից 40 տարեկան ³ÕçÇÏÝեñÇÝ և երիտասարդ կանանց` որպես անհատների, սովորելու, զարգանալու և ինքարտահայտվելու հնարավորություններ ընձեռելու համար։
Մենք գիտենք, որ կինը մեծ արժեք և կարևորություն է ներկայացնում ոչ միայն իր ընտանիքում, այլև ողջ հայ հասարակության համար։

Հայաստանի երիտասարդ կանանց ասոցիացիայի գործունեությունը հիմնականում ուղղված է երիտասարդ կանանց և նրանց խնդիրների լուծմանը ՀՀ ողջ տարածքում` թե' Երևանում, թե' մարզերում։ Կարևորելով առկա խնդիրների լուծման համար անհրաժեշտ ռազմավարությունը` ՀԵԿԱ-ն ցուցաբերում է պրոֆեսիոնալ մոտեցում՝ կազմակերպելով կրթական ծրագրեր, խորհրդատվություններ, ուսումնասիրություններ, քննարկումներ և այլ միջոցառումներ՝ ընդրգկելով լայն լսարանների։

Մեր գործընկերներն են տեղական, ազգային, միջազգային մի շարք կազմակերպություններ, հաստատություններ, հիմնադրամներ։